?

Log in

No account? Create an account

Акафист святому благоверному князю Ярославу Мудрому

« previous entry | next entry »
дек. 23, 2010 | 05:30 pm

Акафист святому благоверному великому князю Ярославу Мудрому, во Св. Крещении Георгию, составлен Евгением Храповицким и Валентиной Бершадской. Текст воспроизводится по изданию: Акафист святому благоверному великому князю Ярославу Мудрому. Херсон, 2010 (акафист на стр. 3 – 30); в «Уставных заметках» публикуется по просьбе авторов.

Февраля в 20-й день
Тропарь, глас 4:
Яко благочестиваго корене пречестная отрасль был еси, благоверне княже Ярославе, добре во благочестии пожив, веру непорочну соблюл еси, и храм пречуден Премудрости Божия в стольном граде Киеве устроив, ныне на Небесех предстоиши Престолу Святыя Троицы, молися ниспослати нам велию и богатую милость.
Кондак, глас 4:
Измлада явился еси, богомудре Ярославе, Божественный сосуд избран Богови, во благочестии жительствовавши, многия святыя церкви устроил еси; темже похваляем тя, княже наш, яко народу твоему ты еси удобрение, Киеву — слава и всей Русстей земли — утверждение.

Акафист святому благоверному князю Ярославу Мудрому
Кондак 1
Избранный от Предвечнаго Царя Небеснаго и Церкви Зиждителя, данный стране нашей ходатаю изрядный и заступниче пречудный, святый княже Ярославе, приими похвальная пения любовию чтущих святую память твою и моли Христа Бога сохранитися неврежденным нам от враг видимых и невидимых, да со умилением вопием ти: Радyйся, святый благовеpный великий княже Ярославе.
Икос 1
Ангельское житие возлюбив от юности и ко исканию единаго на потребу направив помыслы твоя, княже Ярославе, дивный образ был еси добродетелей христианских и совершенства духовнаго; темже и возвеличен был еси на земли пред братиею твоею и на небеси прославлен еси от Господа. Мы же, благодаряще Творца и Спаса нашего, славословим тя, яко великаго избранника Божия, со умилением зовуще:
Радуйся, земли Русския княже богоизбранный.
Радуйся, пречестная отрасль равноапостольнаго князя Владимира.
Радуйся, благовеpия пpедков наследниче.
Радуйся, мудрости Соломоновы подражателю.
Радyйся, всем житием своим Богy послyживый.
Радуйся, всех концев земли Русския покpовителю.
Радуйся, заповедей Хpистовых веpный исполнителю.
Радyйся, дивный хранителю, от Бога всем нам дарованный.
Радуйся, святый благоверный великий княже Ярославе.
Кондак 2
Видевше еще отрок сый, прехвальне Ярославе, отца твоего от злых дел к благим деяниям изшедшаго и Светом Христовым озареннаго, купно с братиями твоими святое крещение восприял еси и сердцем твоим богопросвещенным благодарственно воспел еси Господеви: Аллилуиа.
Икос 2
Разум твой, угодниче Христов, духовным ведением Милосердный Господь озари, яко ты, житие богоугодное возлюбив и благочестивым родителем твоим внимающе, в страсе Божии, молитве и добродетелех возрастал еси. Сего ради, Господь, видя верность твою в малом, над многими тя постави; мы же с любовию взываем ти сице:
Радуйся, в истинах христианских измлада наставленный.
Радуйся, от юности Господа всем сердцем возлюбивый.
Радуйся, во испытаниих многих Богом дивно хранимый.
Радуйся, подвиги мужества, яко добрый воин, во брани явивый.
Радуйся, водительству Духа Святаго выну прилежавый.
Радуйся, добродетелем преславных предков твоих подражавый.
Радуйся, благодатныя дары Всесвятаго Утешителя Духа стяжавый.
Радуйся, и нас даром мудрости обогащающий.
Радyйся, святый благовеpный великий княже Ярославе.
Кондак 3
Силою Вышняго укрепляемый, блаженне Ярославе, в кротости и в смирении души твоея возрастал еси, уготовляя себе на служение княжеское, и о помощи небесней молился еси, взывая Богу: Аллилуиа.
Икос 3
Имея страх Божий в сердце твоем, благоверный княже Ярославе, послушание явил еси отцу твоему Владимиру и, по воли его, от великаго Киева в пределы земли Ростовския княжити прешел еси, идеже жителей в вере в Бога истиннаго утвердил еси и храм великаго пророка Илии тамо воздвигл еси, сим показуяй велию любовь твою ко Господу и святым Его, и подвизаяй нас хвалебно взывати тебе:
Радуйся, лампадо веры Православныя неугасимая.
Радуйся, к ближним своим любы преизобильная.
Радуйся, неутешных в скорбех утешение.
Радуйся, блаженный храмоздателю.
Радуйся, благолепия церковнаго любителю.
Радуйся, зло творящих вразумление.
Радуйся, Правды Христовы ревнителю.
Радуйся, Отечества Небеснаго любителю.
Радyйся, святый благовеpный великий княже Ярославе.
Кондак 4
Буря вражды братоубийственныя сотрясе землю Русскую, егда Святополк Окаянный, властолюбием ослепленный, повеле убити братий твоих возлюбленных Бориса и Глеба; ты же, блаженне Ярославе, скорбя о смерти их, на Господа упование и надежду возложил еси и Его силою правду на Руси утвердил еси, воспевая выну: Аллилуиа.
Икос 4
Слышавше о премногих скорбех, претерпенных тобою, святый благоверный княже Ярославе, от Святополка Окаяннаго, величаем выну укрепившаго тя Господа, сохраньшаго тя, егда понужден быв пределы Киевския оставити и преселитися в пределы Новгородския, из нихже с вои своими паки в землю отеческую пришедши, правду Божию утвердил еси. Мы же, вере и мужеству твоему подражая, взываем сице:
Радуйся, пресельник в земли твоей бывый.
Радуйся, горняго града выну усердно взыскавый.
Радуйся, мудрый странниче, на путь спасения стопы твоя направивый.
Радуйся, Божий избранниче, скорби многия претерпевый.
Радуйся, кротко и мирно в Великий Новград княжити возвративыйся.
Радуйся, богоугодно и праведно тамо княживый.
Радуйся, иго Христово всем сердцем возлюбивый.
Радуйся, всем сердцем его приявый.
Радyйся, святый благовеpный великий княже Ярославе.
Кондак 5
Боготечною звездою возсиял еси делы твоими богоугодными, княже Ярославе, и ныне предстоиши престолу Вседержителя; сего ради молим тя: купно со святыми сродники твоими сотвори молитву Царю царствующих да, вашего ради соборнаго предстательства, пробавит милосердие Свое народам словенским и утвердит ны в вере Православней, вопиющих Ему ныне: Аллилуиа.
Икос 6
Возсиял еси в стране нашей светом добрых дел твоих, святый Ярославе, и на свещнице Церкве Православныя поставлен был еси, да светиши Отечеству твоему земному и приводиши к Солнцу Правды люди русския, со упованием таковыя похвалы тебе возносящия:
Радуйся, верный Христов последователю.
Радуйся, Отечествия Небеснаго усердный взыскателю.
Радуйся, руце твои на рало Господне возложивый.
Радуйся, вспять лица твоего николиже обративый.
Радуйся, Евангелия Царствия Божия проповедниче благогласный.
Радуйся, богомудрыми твоими словесы многи в разуме просвещаяй.
Радуйся, любящим и чтущим тя ходатаю вечнаго спасения.
Радуйся, вразумителю грешных ко исправлению.
Радyйся, святый благовеpный великий княже Ярославе.
Кондак 7
Хотяй прославити Божественнаго Искупителя нашего и Его Пречистую Матерь, повелел еси, всемудре Ярославе, воздвигнути в стольном граде Киеве Врата Златыя, ихже венчал еси храмом Благовещения Пресвятыя Богородицы, да всякий пребывающий во граде сем, под благодатным Покровом Царицы Небесе и земли пребывает и радости духовныя о сем да исполняется, непрестанно воспевая: Аллилуиа.
Икос 7
Новый Иустиниан великий воистину явился еси, богомудре княже Ярославе, яко храм великий и преславный в честь Святыя Софии — Ипостасныя Премудрости Божия создал еси, и законам справедливым и судам милосердным основание в державе твоей положил еси, благочестие христианское и научение книжное насаждая. Сего ради молим тя: настави всех нас, чтущих святую память твою, быти наследниками дел благих твоих и добродетелем твоим богоугодным последовати, воспевающих ти похвалы сия:
Радуйся, душеполезных знаний преизобильное излияние.
Радуйся, душевреднаго мрака светлое озарение.
Радуйся, неверных смыслов милостивое просвещение.
Радуйся, неправо мудрствующих внезапное низвержение.
Радуйся, верных незыблемое уверение.
Радуйся, отъемлющий духовное помрачение.
Радуйся, миром и любовию души наша наполняющий.
Радуйся, наветов вpажиих мyдpый pазоpителю.
Радyйся, святый благовеpный великий княже Ярославе.
Кондак 8
Странника и пришельца себе на земли быти помышляя, блаженне Ярославе, не ведал еси покоя в трудех твоих, люди твоя во благочестии утверждая и державу твою миром ограждая; сего ради, ныне в лике святых благоверных князей пребываеши, веселяся купно с ними и поя Богу: Аллилуиа.
Икос 8
Всею душею Господеви послуживши и всем житием своим Ему благоугодив, прославился еси благочестием, великий княже, и, ко блаженному успению достигши, в мире дух свой Богу предал еси. Мы же, поминающе праведное житие твое и блаженное упокоение, вопием ти:
Радуйся, храмы Божиими грады многия украсивый.
Радуйся, величию земли Русския тем послуживый.
Радуйся, во всем житии твоем вере Христовой поревновавый.
Радуйся, крепость державы твоея тем созидавый.
Радуйся, в народоправлении велию мудрость проявивый.
Радуйся, о благе народа своего усердно пекийся.
Радуйся, общаго мира в пределех страны твоея устроителю.
Радуйся, людем твоим помощниче богодарованный.
Радyйся, святый благовеpный великий княже Ярославе.
Кондак 9
Весь еси в вышних, богоблаженне княже Ярославе, во обителех райских водворившися, обаче и нас, тебе тепле почитающих, не оставляеши, наставляя к разуму Божественному и деланию усердному заповедей Христовых, и всякия благополезныя прошения наша исполняеши, подвизая нас Отцу Небесному благодарственно воспевати: Аллилуиа.
Икос 9
Ветия многовещанныя и риторы искусныя не возмогут по достоянию воспети подвиги твоя, недоумеют бо изрещи достойныя тебе похвалы, княже праведный. Мы же, во всех трудех и подвизех благодать Божию в тебе видяще и, на предстательство твое уповая, взываем ти сице:
Радуйся, лучу светозарнаго солнца Христа, земли Русстей сияющий.
Радуйся, в молитвах о нас ко Гос поду неумолкающий.
Радуйся, за отечество твое пред Господем милостивый печальниче.
Радуйся, христоподражательнаго жития на земли наставниче.
Радуйся, столпе правоверия Божия непоколебимый.
Радуйся, истины поборниче непреодолимый.
Радуйся, утешение скорбящих и крепкая оградо обидимым.
Радуйся, защищение твердое и отрадо всем ненавидимым.
Радyйся, святый благовеpный великий княже Ярославе.
Кондак 10
Спасительная наставления сыновом и народу твоему оставил еси, богомудрый княже, глаголя: «Любите друг друга; аще будете жити в любви между собою, то Бог пребудет с вами и покорит вам враги ваша». Сия убо поминающе, просим тя: моли тобою чудодействующаго Бога, да и мы возможем в любви со всеми пребывати и спасения вечнаго достигнути ходатайством твоим, во веки благодарственно воспевающе: Аллилуиа.
Икос 10
Царя Небеснаго верный раб и изрядный угодник был еси, благоверный великий княже Ярославе; сего ради благоразумия крилами украшаем, легко прелетел еси вся сети вражия. Мы же, дивящеся высоте твоего добродетельнаго жительства, с любовию и усердием сице тебе поем:
Радуйся, великий угодниче Божий, жизнь земную свято и праведно скончавый.
Радуйся, пришедый от скорбей многих в покой вечный.
Радуйся, увенчанный от Христа венцем нетленныя славы.
Радуйся, и по смерти заступлением твоим нас не оставляяй.
Радуйся, заповеди Господни творити нас научаяй.
Радуйся, окамененныя сердца во источницы милования обращаяй.
Радуйся, отступивших от правыя веры на путь спасения возвращаяй.
Радуйся, блуждающих по морю жития сего мудре окормляяй.
Радyйся, святый благовеpный великий княже Ярославе.
Кондак 11
Пение молебное приими от нас, святый благоверный княже Ярославе, и молитву твою вознеси о чтущих святую память твою, ко Престолу Вседержителя, да радующеся о твоем прославлении на небеси и на земли, и о твоем всегдашнем предстательстве, благодарственно вопием святых Святейшему Отцу Небесному: Аллилуиа.
Икос 11
Светозарное светило, лучами христианских добродетелей сияющее, явился еси, небо церковное украшая, богомудре Ярославе, и всем, блуждающим во тьме неверия, сомнения, маловерия и нечестия, луч надежды на спасение подаваяй и к Солнцу Правды Христу Иисусу путеводяй, да во свете заповедей Его со всеми верными шествуя, радостно тебе воспоют:
Радуйся, душевными твоими очима выну Господа созерцавый.
Радуйся, пред Оным, яко сын пред Отцем, яко ученик пред Учителем шествовавый.
Радуйся, во вся дни живота твоего Его искавый и в Нем намерение полагавый.
Радуйся, блистанием добродетелей на земли светло сиявый.
Радуйся, от Господа на небеси венец нетленный приявый.
Радуйся, яко тобою различных искушений избегаем.
Радуйся, яко предстательством твоим благодатную помощь обретаем.
Радуйся, яко тебе призывающия скоро предваряеши.
Радуйся, яко любящих тя от различных бед и напастей изымаеши.
Радyйся, святый благовеpный великий княже Ярославе.
Кондак 12
Благодатию Божиею в непрестанном творении заповедей Христовых обогативыйся, по отшествии же твоем от земных наипаче к трисолнечному престолу Пресвятыя Троицы приближися, но и от народа твоего духом любве твоея не отступивый; сего ради молим тя: пролей теплую твою молитву ко Господу, да сохранит Церковь Свою Святую неврежденну от ересей и расколов и вся чада ея да помилует и спасет, вопиющия Ему: Аллилуиа.
Икос 12
Поюще добpодетели и чyдеса твоя, благоверный княже, купно же велия твоя труды и подвиги, во благоустроение державы нашея тобою подъятыя, усердно благодарим и восхваляем тя, с любовию зовуще:
Радуйся, великий княже Ярославе, Престолу Царя Небеснаго предстояй.
Радуйся, хвалу немолчную Пресвятей Троице возносяй.
Радуйся, жизнь вечную в Царствии Небеснем получивый.
Радуйся, яко дивный образ любве Отца Небеснаго в себе явивый.
Радуйся, безпомощным скорый помощниче.
Радуйся, о спасении грешных теплый молитвенниче.
Радуйся, яко молитвам твоим Господь благоутробно внемлет.
Радyйся, yгодников Божиих сонаследниче.
Радyйся, святый благовеpный великий княже Ярославе.
Кондак 13
О преславный угодниче Христов, великий княже Ярославе, вонми гласу моления нашего и ходатайством твоим испроси нам от Господа в жизни сей в вере и добродетелех утверждение, от ересей и расколов сохранение, от скорбей и напастей избавление, прегрешений наших прощение и в час смертный твердое спасения упование, да сподобимся Царствие Небесное наследовати и вечно воспевати Богу: Аллилуиа.
Сей Кондак читается трижды, затем Икос 1 и Кондак 1.
Молитва
О святый благоверный великий княже Ярославе, всех с любовию чтущих тя благодатный заступниче и покровителю! Вознеси сие малое моление недостойных раб твоих Владыце Христу, да утвердит во Святей Своей Церкви живый дух Православныя веры, любовь, благочестие, в добрых делех преуспеяние; да дарует пастырям ревность попечения о спасении людей, яко неверующия просветити, заблудшия наставити и отпадшия обратити; изряднее же, да вся чада Церкви Православныя чисты сохранит от мирских искушений, суемудрия, суеверий и наваждений вражиих. Ей, угодниче Божий, не презри нас, молящихся тебе, но помози нам скорым предстательством твоим, да всяких бед, напастей и скорбей в сей жизни временней избежавше, кончину непостыдну обретем и, тако благоугодно на земли поживше, жизни райския на небеси сподобимся, идеже вкупе с тобою прославим человеколюбие и щедроты в Троице славимаго Бога, Отца и Сына и Святаго Духа, во веки веков. Аминь.

Ссылка | Оставить комментарий |

Comments {28}

свящ. Федор Людоговский

(без темы)

from: ludenhoff
date: дек. 23, 2010 02:47 pm (UTC)
Ссылка

Я так понимаю, это вообще первая электронная публикация? У Скоморохова этого акафиста ведь нет?

Ответить | Ветвь дискуссии

Уставщик

(без темы)

from: ustavschik
date: дек. 23, 2010 02:54 pm (UTC)
Ссылка

Вторая :)
Евгений прислал гранки одобренной архиеп. Иоанном Херсонским версии текста, я выложил акафист у себя, а Бершадская дня два или три назад выложила и у себя на сайте. Акафист только что вышел из печати, так что у меня и на "Богу слава" -- первые ласточки. Сергею я потом отправлю ссылку.

Ответить | Уровень выше | Ветвь дискуссии

свящ. Федор Людоговский

(без темы)

from: ludenhoff
date: дек. 23, 2010 03:04 pm (UTC)
Ссылка

Да, отправьте. Забавно получается: из 33, кажется, акафистов (на цсл.), выложенных у него в этом году, 10 выложены в декабре. Этот будет 11-м.

Ответить | Уровень выше | Ветвь дискуссии

Уставщик

(без темы)

from: ustavschik
date: дек. 23, 2010 03:16 pm (UTC)
Ссылка

Сезонная акафистная активизация :)

Ответить | Уровень выше | Ветвь дискуссии

свящ. Федор Людоговский

(без темы)

from: ludenhoff
date: дек. 23, 2010 03:18 pm (UTC)
Ссылка

А что там с общей статистикой?

Ответить | Уровень выше | Ветвь дискуссии

Уставщик

(без темы)

from: ustavschik
date: дек. 23, 2010 08:26 pm (UTC)
Ссылка

Пока 1275.
Простите, отче, что пока не ответил на письмо -- у меня дома лазарет, матушка с ребенком болеют, я на грани, не до мыслительных процессов. Хватает на чисто техническую перетэговку, но не более. Если к ночи не свалюсь, сяду смотреть статью.

Ответить | Уровень выше | Ветвь дискуссии

свящ. Федор Людоговский

(без темы)

from: ludenhoff
date: дек. 23, 2010 08:29 pm (UTC)
Ссылка

О-о-о, понял :( Помоги Бог! Но если не пойдет дело - просто скажите: статистику можно поменять при корректуре, а если содержательных замечаний нет - то и ладно. Поправлю тогда ссылки и отошлю в ИРЯ.

Мы тут тоже все хором хвораем уже недели три. То лучше, то хуже. То ли по второму, то ли по третьему кругу уже пошло. Но ничего особенного - какое-то ОРВИ, наверное.

Ответить | Уровень выше | Ветвь дискуссии

(без темы)

from: h1809r
date: дек. 23, 2010 07:52 pm (UTC)
Ссылка

мне показалось, или там количество херетизмов неравномерное?

Ответить | Ветвь дискуссии

Уставщик

(без темы)

from: ustavschik
date: дек. 23, 2010 08:31 pm (UTC)
Ссылка

Сбой только в 11-м икосе -- там 9 херетизмов + рефрен, в остальных 8 херетизмов + рефрен.

Ответить | Уровень выше | Ветвь дискуссии

(без темы)

from: h1809r
date: дек. 23, 2010 08:35 pm (UTC)
Ссылка

это я, стало быть, сразу же воткнулся в 11-й икос, а потом сравнив его с соседними, обнаружил, что там херетизмов на один меньше:)
ну ничего, бывает и хуже...
а в 3-м икосе два раза "любителю". и вообще, не шедёвр, по-моему...

Ответить | Уровень выше | Ветвь дискуссии

Уставщик

(без темы)

from: ustavschik
date: дек. 23, 2010 08:37 pm (UTC)
Ссылка

вообще, не шедёвр, по-моему
Не шедёвр, но очинно прилично. Бывает гораааздо хужее.

Ответить | Уровень выше | Ветвь дискуссии

(без темы)

from: h1809r
date: дек. 23, 2010 08:39 pm (UTC)
Ссылка

бывает. кто б спорил:)
но вообще, честно говоря, всякий раз, при виде даже "очинно приличного" нового акафиста, у меня возникает мысль: а зачем он вообще нужен?:)

Ответить | Уровень выше | Ветвь дискуссии

Уставщик

(без темы)

from: ustavschik
date: дек. 23, 2010 08:51 pm (UTC)
Ссылка

Как говорят в стране, для которой этот акафист предназначался, а щоб було :)
Про существование службы св. Ярославу мне лично ничего не известно, и хотя это еще ничего не означает, но на раздумия наводит -- конечному потребителю нужен акафист, но не необходима служба. И это уже далеко не первый раз.

Ответить | Уровень выше | Ветвь дискуссии

(без темы)

from: h1809r
date: дек. 23, 2010 08:55 pm (UTC)
Ссылка

=в стране, для которой этот акафист предназначался=
а, так это для украинских коллег?:) "это многое объясняет" (с)

но, вообще-то, я тоже подумал: отчего не служба? или хотя бы параклис?

Ответить | Уровень выше | Ветвь дискуссии

Уставщик

(без темы)

from: ustavschik
date: дек. 23, 2010 09:03 pm (UTC)
Ссылка

а, так это для украинских коллег?:)
а для чего я привел координаты бумажного издания? :)

или хотя бы параклис?
Ви мне делаете смешно. Ви таки много знаете параклисов отечественного новообрядческого производства?

Ответить | Уровень выше | Ветвь дискуссии

(без темы)

from: h1809r
date: дек. 23, 2010 09:11 pm (UTC)
Ссылка

=а для чего я привел координаты бумажного издания? :)=

я почему-то подумал, что акафист был написан "сам по себе", а коллегами лишь напечатан. о заказе мысль в голову не пришла.

=Ви таки много знаете параклисов отечественного новообрядческого производства?=

не много. но попадались. даже Вы присылали. иногда:)


Ответить | Уровень выше | Ветвь дискуссии

Уставщик

(без темы)

from: ustavschik
date: дек. 23, 2010 10:52 pm (UTC)
Ссылка

о заказе мысль в голову не пришла.
Вообще-то, Валентина сама из Херсона (чем и объясняется место издания и благословение на оном), она -- один из администраторов сайта Херсонской епархии.

иногда:)
Вот-вот :)

Ответить | Уровень выше | Ветвь дискуссии

(без темы)

from: h1809r
date: дек. 24, 2010 07:55 pm (UTC)
Ссылка

автор сам себе заказал?:)

Ответить | Уровень выше | Ветвь дискуссии

Уставщик

(без темы)

from: ustavschik
date: дек. 24, 2010 08:19 pm (UTC)
Ссылка

Да нет :) Думаю, заказ был от Вл. Иоанна (он же председатель Синодальной комиссии по канонизации УПЦ МП), а Валентина подключила Евгения -- они частенько пишут акафисты дуэтом.

Ответить | Уровень выше | Ветвь дискуссии

(без темы)

from: h1809r
date: дек. 24, 2010 08:33 pm (UTC)
Ссылка

не оскудевают акафистописцы в землях исторической Руси...

Ответить | Уровень выше | Ветвь дискуссии

Уставщик

(без темы)

from: ustavschik
date: дек. 24, 2010 08:51 pm (UTC)
Ссылка

Вот это Вы зря, зря :)
Стабильно пишущих и хоть в какой-то мере плодовитых современных акафистографов в "землях исторической Руси" всего несколько человек: Трофимов, Храповицкий, Бершадская, инокиня Смарагда из Толги... Если еще считать раскольников и еретиков, то добавятся Борзунов и Ярошенко. Пишут-то все, кому не лень, но, в основном, разово, по одному-два гимна. А вот именно акафистописцев мало.

Ответить | Уровень выше | Ветвь дискуссии

(без темы)

from: h1809r
date: дек. 24, 2010 09:05 pm (UTC)
Ссылка

беру свои слова назад!
даешь больше, больше акафистописцев! ведь у нас так мало акафистов...

Ответить | Уровень выше | Ветвь дискуссии

Уставщик

(без темы)

from: ustavschik
date: дек. 24, 2010 09:12 pm (UTC)
Ссылка

Пажалейти мой бедный моск! :)
А акафистов надо бооольше -- ведь великий гуру заповедовал нам набрать полторы тыщи акафистов :)
Жена мне уже предлагает тотализатор открывать -- как скоро сие событие произойдет :)

Ответить | Уровень выше | Ветвь дискуссии

(без темы)

from: h1809r
date: дек. 24, 2010 09:32 pm (UTC)
Ссылка

ну вот видите! открываете тотализатор, набираете команду борзописцев-акафистотворцев, они быстренько догоняют число акафистов до искомых полутора тысяч, и успех предприятия гарантирован!

Ответить | Уровень выше | Ветвь дискуссии

Igor

(без темы)

from: igor_anchorite
date: дек. 28, 2010 02:16 pm (UTC)
Ссылка

т.е. всё-таки можно крестить ребёнка с именем Ярослав?

Ответить | Ветвь дискуссии

Уставщик

(без темы)

from: ustavschik
date: дек. 28, 2010 04:54 pm (UTC)
Ссылка

Даже если бы в наших святцах не было аж трех святых Ярославов (князь Киевский Мудрый, новомученик Ямский и князь Владимирский), то было бы все равно можно :)
Это чисто русская заморочка -- крестить новопросвещенных только с теми именами, которые есть в святцах. В остальных Поместных Церквах этого нет. И, думаю, протоиерей Генрих Папроцкий из Варшавы или протоиерей Имрих Белейканич из Прешова Вашему вопросу бы не мало подивились :)

Ответить | Уровень выше | Ветвь дискуссии

Igor

(без темы)

from: igor_anchorite
date: дек. 30, 2010 01:01 pm (UTC)
Ссылка

я понимаю, но как переубедить приходского батюшку?

Ответить | Уровень выше | Ветвь дискуссии

Уставщик

(без темы)

from: ustavschik
date: дек. 30, 2010 05:21 pm (UTC)
Ссылка

Если батшка упёрся в то, что "низзя", то, боюсь, никак.
В случае конкретно с именем Ярослав можно апеллировать к общецерковному календарю. В более экзотических случаях... Вряд ли.

Ответить | Уровень выше | Ветвь дискуссии