Первая, великобденная, служба преподобному Арсению, была написана иноком Герасимом Микрагианнанитом (†1991). Её греческий текст выложен в блоге «Άγιος Κοσμάς ο Αιτωλός». Она переведена на церковнославянский язык, однако у меня нет права на публикацию перевода.
СЛУЖБА
преподобному отцу нашему Арсению Каппадокийскому
НА ВЕЛИЦЕЙ ВЕЧЕРНИ
Блажен муж: 1-й антифон.
На Господи, воззвах: стихиры, глас 4:
Како тя по достоянию ублажим, / преподобне отче Арсение, / или киими песньми хвалебными почтим / многия и великия подвиги твоя, / еллинов похвало и преподобных удобрение, // чудесы многими от Христа прославленный?преподобному отцу нашему Арсению Каппадокийскому
НА ВЕЛИЦЕЙ ВЕЧЕРНИ
Блажен муж: 1-й антифон.
На Господи, воззвах: стихиры, глас 4:
Крест твой взем, преподобне Арсение, / крепко последовал еси Христу, / нас ради на Кресте распеншемуся; / и Того ради любве вся оставил еси, / и Того единаго возлюбил еси: / Емуже и со Ангелы ныне предстоя, // моли ущедрити мир и спасти души наша.
Светом сияя неприступным, / яко звезда, просиял еси еллинским людем, / добродетельми тех просвещая, отче Арсение, / и ныне точиши благодать исцелений // несомненною душею приступающим к тебе.
О творящих твою память верно, / преподобне Арсение, отче всечестне, / и многия подвиги боголепнаго твоего жития поющих, / не престай молити Христа сохранити от бед и скорбей // и будущаго Царствия причастники нас сотворити.
Слава, глас 1:
Отреклся еси плоти Христа ради / и духовный явился еси народоводитель, / монахов был еси честное правило / и страсти вся крепко попрал еси. / Тем и демонов коварство до конца испепелил еси / и недужным здравие даровал еси; / к Богу зря всегда, Богоносе Арсение, / моли грехов оставление даровати // чтущим любовию святую память твою.И ныне, Богородичен, глас тойже: Всемирную славу:
На стиховне стихиры, глас 2:
Пастырскому художеству незлобием обучився, / отечески паству твою научал еси страху Божию, / Арсение, отче блаженне, / образ праведный жизни в себе явивый, / любовь же милующую молитвою стяжал еси. / Тем к тебе, яко дивному угоднику Божию, припадающе, просим: / молися Господеви / мир миру даровати // и душам нашим велию милость.На стиховне стихиры, глас 2:
Стих: Честна пред Господем / смерть преподобных Его.
Ковчег освящения мощей твоих рака явися, / цвет исцеления испущающи, / и, яко река, из неяже почерпаем здравие присноживотно, / приходящии верно, Арсение славне, // в тебе воистинну чуднаго Бога славяще.
Стих:Блажен муж, бояйся Господа, / в заповедех Его восхощет зело.
Богу от младенства возложен быв / и Тому даже до конца благоугождая, / отче наш преподобне Арсение, / дарование зрения душ человеческих улучил еси / и демонов множество отгнал еси благодатию. / Сего ради вопием ти, досточудне: / моли Христа Бога грехов оставление подати // чтущим любовию святую память твою.
Слава, глас 6:
Кончину жития твоего на Керкире предуведевый, / и посещения Богоматери сподобивыйся, / и по смерти преславныя чудодейства от Бога точиши, / отче Арсение присноблаженне. / Но моли за нас, святую память твою совершающих, / мир нам, падшим, подати, / житие же наше исправити / и чертогов Небесных сподобити нас, / по велицей милости Единаго Человеколюбца.И ныне, Богородичен, глас тойже: Творец и Избавитель:
Тропарь святому, глас 3:
Житие богоугодное добре скончав, / сосуд честен Утешителя явился еси, Богоносне Арсение, / чудес благодать приим, всем подаеши скорое вспоможение, / отче преподобне, / Христу Богу молися // даровати нам велию милость.Тропарь святому, глас 3:
НА УТРЕНИ
По 1-м стихословии седален, глас 2:
На земли живя, земная мудрствования презрел еси, / но, внимая словесем спасительным, / весь ум твой вперял еси в Горняя, // сего ради и сам ныне, Арсение, в Горних водворяешися.По 1-м стихословии седален, глас 2:
Слава, и ныне, Богородичен, глас тойже:
Недоумеет всяк язык / достойными Тя ублажити похвалами, Всесвятая Владычице, / из Твоих бо ложесн пройде Спас и Избавитель мира.По 2-м стихословии седален, глас 5:
Страстей тьмы отбег, / к безстрастия пути наставляемь, / к Свету невечернему востекл еси, Арсение преподобне, / и, от Сего озарився, / нетления богатство наследовал еси. // Моли непрестанно о всех нас.Слава, и ныне, Богородичен, глас тойже:
Души моея леность лютую / и сердца моего неможение, / Мати Божия Пречистая, / воззревши, исцели молитвами Твоими / и спасенных части сподоби, / избавляющи мя тьмы и мучения, // яко Едина упование мое и утешение.По полиелее седален, глас 8:
Вдобродетелех, яко финикс, процвел еси, / и теми людем послужил еси, / окормляя и умудряя паству твою, отче Арсение. / Сего ради святыя мощи твоя / чудесы прослави Христос Бог наш, / Егоже моли, преподобне, / согрешением оставление даровати // чтущим любовию святую память твою.Слава, и ныне, Богородичен:
Богородице Дево, / Вседержавная наша Царице, / омофором молитв Твоих покрывающая весь мир, / приими от благодарных сердец наших / похвальныя песни сия / и испроси нам у Сына Твоего Спаса нашего // грехов прощение и велию милость.Таже степенна, 1-й антифон 4-го гласа.
Прокимен, глас 4:
Честна пред Господем смерть преподобных Его.Прокимен, глас 4:
Стих: Что воздам Господеви о всех, яже воздаде ми?
Всякое дыхание: Евангелие от Матфея, зачало 43.
По 50-м псалме стихира самогласна, глас 6:
Средь мира пожил еси, / но выше всех мирских быв, / сего ради и чистая твоя душа, / правоверием блистающи явися, / озаряет верных исполнение, / бесовское же омрачение отгоняющи / от приходящих тебе с верою. / Тем яко причастника благодати / воистинну тя ублажаем, Арсение досточудне, // Христа Бога моли от бед спасти рабы твоя.По 50-м псалме стихира самогласна, глас 6:
Канон святому, глас 2.
Песнь 1
Ирмос: Грядите, людие, / поим песнь Христу Богу, / раздельшему море, / и наставльшему люди, яже изведе из работы египетския, / яко прославися.Песнь 1
Припев: Преподобне отче Арсение, моли Бога о нас.
Умом очищенным преславно зриши, Арсение преподобне, доброту неизреченную - Христа, всяческих Бога нашего, Егоже моли достойно воспети подвиги твоя.
Якоже Илия на колеснице, отче Арсение, добродетельми твоими возшел еси на Небо и тамо чисте зриши Святую Троицу, к Ней же духом горя и возлетая.
Вседержителеву Престолу предстоиши, мудре, яко изрядный воин, подобяся своему Владыце, Егоже от юности вожделел еси, и был еси Ангелом собеседник и праведным единожитель, Арсение всеблаженне.
Богородичен: Светлыми благодати лучами Твоего Сына, Богородице, просвети омраченную мою душу, страстей смущение отжени, Твоими, Чистая, ходатайствы.
Песнь 3
Ирмос: На камени мя веры утвердив, / разширил еси уста моя на враги моя. / Возвесели бо ся дух мой, внегда пети: / несть свят, якоже Бог наш, / и несть праведен паче Тебе, Господи.Благими нравы украсився, Христу прилепился еси от юности, плотския страсти умертвив воздержанием, и к Жизни нестареющей, преподобне, преставился еси.
Кроткому и смиренному сердцем Господу Иисусу подражая, смирен мудрованием, кроток и послушлив ты был еси, от Негоже и благодать тебе, Арсение, даровася.
Людем капподокийским, яко богозарный светильник, возсиял еси, Арсение, добродетельми: подвизи бо и труды твоя световидна и славна тя сотвориша.
Богородичен: Оружие, прогоняющее грехи и страсти души моея буди, Дево, и покажи мя, якоже другий рай, безнаветен и соблюден Тобою и приносящий цветы Духа.
Седален, глас 3:
Словесами евангельскими озаряемь, / в пути, ведущий к жизни, Божественным сиянием ходив верно, / вражиих отбег прилогов, / сын света и дне явился еси, // Арсение Богоблаженне.Слава, и ныне, Богородичен:
Пречистеи Твои руце, Дево Мати, простерши, / покрый уповающия на Тя и к Сыну Твоему зовущия: // всем подаждь, Христе, Твою милость.Песнь 4
Ирмос: Пришел еси от Девы, / не ходатай, ни Ангел, / но Сам, Господи, воплощся, / и спасл еси всего мя человека. / Тем зову Ти: / слава силе Твоей, Господи.Агнца Божия закалаемаго за грех всего мира зрел еси сердечными очима, отче, священную Евхаристию совершающе, таже и ныне воздержи твои праведнии руцы к Престолу Божию за люди твоя, тя почитающих.
Отец преискренний показался еси, отче Арсение, пастве твоей, любовию своею согревающий сердца чад твоих.
Господень возследователь явился еси и апостольскаго духа приятелище, отче досточудне, не остави нас, благодарне о тебе Богу поющих.
Богородичен: Возсия из утробы Твоея, Отроковице Неискусобрачная, Отчее сияние — Христос, и просвети вселенную и бесовскую тьму потребил есть.
Песнь 5
Ирмос: Света подателю и веков Творче, Господи, / во свете Твоих повелений настави нас; / разве бо Тебе иного бога не знаем.Душу твою храм Святаго Духа соделав, преславне Арсение, был еси наследник Горняго Царствия, с Вышними чинами водворяяся, всечестне отче.
Естеством кроток и милостив, не остави нас, на твоя молитвы уповающих и молящихся тебе, покрый нас, отче, от навет вражиих святыми твоими молитвами и пути наша направи.
Образ добродетелей был еси пастве твоей, Богопросвещенный наставниче наш Арсение, от всякия злыя вещи удален: яко да избавиши нас от соблазна, преткновения и кознодейства вражия.
Богородичен: Закона исполнение, высшая Херувим, родила еси Божия Слова воплощена, Сына Единородна, Егоже о рабех Твоих умоли.
Песнь 6
Ирмос: В бездне греховней валяяся, / неизследную милосердия Твоего / призываю бездну: / от тли, Боже, мя возведи.Естество ангельское удивил еси, отче Арсение, телесными подвиги твоими и любовию к Богу пламенеющею, еяже ради источник неоскудевающий чудес яви тя Господь людем Своим.
Образ был еси верным: словом, житием, любовию, сего ради вселися в тя Дух Святый, отче Богоносе, и нам помолися стяжати благодать Того.
Истине Евангельской с детства наученный, животворныя заповеди Спасовы исполнил еси ревностно, отче Арсение, и явился еси проповедник деятельный пути спасительнаго.
Предведый Бог, отче Арсение, твоей души красоту и разума чистоту, священнопроповедника мудра людем показа тя.
Богородичен: Милости Твоея, Богородице, сподоби мя, премилостиваго Слова рождшая, Своею Кровию от тли человеки избавльшаго.
Кондак, глас 4:
Каппадокии новосажденный цвет / и добродетелей многочестный сосуд, / святаго Арсения воспоим, / сей бо яко Ангел во плоти жительствовав, / сожитель бысть всем святым, / с ними же предстоит всегда Христу // и молится даровати нам согрешений прощение.Икос:
Свидетель истинный и твердый Евангелия Христова / явился еси, славне отче Арсение, / агарянское безумство тихостию нрава посрамил еси, / чудесы многоразличными веру православную в людех утверждая, / малодушныя словесы Божественными утешая, / всех ко Христу приводя; / тако и нас не лиши твоего заступления, / почитающих память твою верно // и молися даровати нам согрешений прощение.Песнь 7
Ирмос: Да преславное рождество Твое, Христе, / еже от Девы прообразиши яве, / неопалимы в пещи отроки сохранил еси, / песньми поющыя Тебе: / отцев Боже, благословен еси.Повеления отеческая храня невредимо, правоверным смыслом, ты от юности имел еси житие чисто и милостивен нрав, Арсение досточудне и ко Творцу всех взывал еси: отцев Боже, благословен еси.
Божиим мановением роду нашему явлены быша честныя мощи твоя, отче Арсение, ихже преподобный Паисий на Керкире обрете, сего ради освящение приемлем, Христу вопиюще: отцев Боже, благословен еси.
Трудолюбный делатель молитвы показался еси, отче Арсение, службы церковныя усердно совершая и люди пети научая: отцев Боже, благословен еси.
Богородичен:Радуйся, Владычице Дево, яко всем людем похвала еси, непрестанно молися Христу Богу сохранити гред сей и люди молитвами всеблаженнаго Арсения.
Песнь 8
Ирмос: В пещь огненную ко отроком еврейским снизшедшаго, и пламень в росу преложшаго Бога, пойте дела яко Господа, и превозносите во вся веки.Отец чадолюбивый был еси всем приходящим к тебе со скорбию сердечною и нуждою, и никтоже неутешен отыде от твоего лица, блаженне.
Священныя мощи твоя, обогащшияся дивными чудесы, проповедают небесную славу твою, и милости твоя явленныя роду нашему понуждают звати: благословите Христа во веки.
К тебе, отче Арсение, припадающе, умиленным гласом вопием: посети немощи наша, буди ходатай о нас, тебе ради благословящих Христа во веки.
Ангелом сомолитвенниче, отче Арсение, священнодействуя праведно, ты сердцем чистым Господа зряще и телесными очима на Престоле Агнца Божия за мир закалаема видяще, Вседержителю взывал еси: Господа пойте дела и превозносите во вся веки.
Богородичен: Бога нам родила еси, Пречистая Богорадованная Дево, спаси место сие и люди, на Тя уповающия, Богородице Пренепорочная и Сыну Твоему вопиющия: благословите Христа во веки.
Песнь 9
Ирмос: Безначальна Родителя Сын, Бог и Господь, воплощься от Девы нам явися, омраченная просветити, собрати расточенная: тем всепетую Богородицу величаем.В печали, отче, оставил еси Боголюбезная твоя чада, в радость же душевную претворил еси верных множества явлением благовонных мощей твоих. Темже и похвальная тебе приносим, Христа величающе.
Красно убо Церковь веселится в памяти твоей, о пастырю дивный отче Арсение! Вернии же людие стекаются, празднственная тебе приносяще, восхваляюще Христа, тебе прославльшаго.
Обрати свой взор с превыспренних высот на нас, в памяти твоей ликующих и Христа славословящих, и отеческим твоим благословением осени всех, пастырю священнейший Арсение.
Весь во Свет Божественныя Троицы с веселием прешел еси, ангельским воинством ныне срадуешися, пречудне отче Арсение, с нимиже непрестанно моли всем спастися, поющим тя.
Богородичен: Юже воспевают Силы Небесныя, Владычицу Деву, Церкве красоту, верных державу и похвалу, благодарно величаю и пение скончаваю.
Светилен:
Светом Превечнаго сияния озарився, отче Арсение, Христу последовал еси, и Того благодатию просветився, источник чудес и милостей явился еси, сего ради молим тя: спаси души наша.Слава, и ныне, Богородичен:
Зарю пресветлую, являющую нам Солнце незаходимое, вемы, Тя, Пресвятая Дево Богородице. Сего ради молим Тя: яко Мати Света сущи, просвети нас светом Сына Твоего, Христа Бога нашего.На хвалитех стихиры, глас 4:
Мудростию украшаяся и разумом просвещаяся, / смирением сердца красуяся, / и высотою жития, досточудне, / в разумныя дворы вшел еси, // идеже нас поминай, чтущих тя, Арсение блаженне.Свет лица твоего, отче, / проявляет твою духовную благодать, / красен быв ко видению, / паче же краснейший душею, / твоя бо мощи облагоухают чувства, и удивляют всяк разум, / и прославляют Бога, прославльшаго тя, // отче наш Арсение.
Имел еси, отче, душу милостиву, / и чист помысл, и сердце нестропотно, / и веру нескверную, и любовь нелицемерную. / Темже почитаем тя, Арсение, священными песньми // и благочестно вси ублажаем и восхваляем.
Якоже некогда Илия Фесвитянин / милоть свою Елисею оставль, / знаменуя благодати присвоение, / такожде и ты, Арсение святе, / приемника благодати твоея определив, / предзрелеси духовными очесы твоими / дивнаго старца Паисия житие. // Сего ради мы любовию вас почитаем.
Слава, глас 8:
Возликовствуем, вернии, / и песни хвалебныя принесем Христу Богу, / даровавшему нам дивных пастырей своих: / Арсения достоблаженнаго и всечестнаго Паисия, / просвещающих верных сердца светом благоразумия // и молящихся о душах наших.И ныне, глас тойже:
Владычице, приими молитвы раб Твоих / и избави нас // от всякия нужды и печали.НА ЛИТУРГИИ
Блаженна от канона песнь 3-я и 6-я.Прокимен, глас 7: Честна пред Господем / смерть преподобных Его. Стих: Что воздам Господевио всех, яже воздаде ми?
Апостол к Галатом, зачало 213.
Аллилуиа, глас 4: Праведник, яко финикс, процветет, / яко кедр, иже в Ливане, умножится. Стих: Насаждени в дому Господни во дворех Бога нашего процветут.
Евангелие от Луки, зачало 24.
Причастен: В память вечную будет праведник:
МОЛИТВА
О, преподобне отче Арсение! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь.Не посрами нас, к тебе с верою притекающих. Вси православнии христиане, твоими чудесы исполненныя и милостями облагодетельствованныя, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими.
О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати жизнь нашу и преселитися со упованием в блаженныя недра Авраамова, идеже ты радостно по трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.
