Уставщик (ustavschik) wrote,
Уставщик
ustavschik

Category:

В Неделю по Богоявлении…

…совершается соборная память святых сродников святителя Василия Великого.

Святые сродники святителя Василия Великого (по клику изображение откроется в полном размере)

В сей Собор включены имена святых: бабушки исп. Макрины Старшей (†340), отца прав. иерея Василия Старшего († между 341 и 345), матери преп. Емилии († ок. 380), братьев свят. Григория, еп. Нисского (†395), свят. Петра, еп. Севастийского (†392), прав. Навкратия (†357), сестер прав. Феозвы (или Феосевии; †385) и преп. Макрины Младшей (†380). Кроме известных по имени святых из семьи свят. Василия, в этот день также воспоминаются неизвестные по именам мученик отец св. Емилии, исповедник супруг св. Макрины Старшей, праведные жены три замужние сестры св. Василия и супруга св. Григория.
Первая, великобденная, служба на это празднование была написана на греческом языке монахом Нового Скита на Святой Горе Афон Иаковом (†1869); её текст выложен в блоге «Православная гимнография». Вторую службу (также на греческом языке) составил Великий песнописец Константинопольской Православной Церкви монах Герасим (Грэкас) из святогорского Малого Скита святой Анны (1905 – 1991). Её текста полностью у меня, к сожалению, нет, опубликованными из неё я видел только тропарь и величален:
ΑΠΟΛΥΤΙΚΙΟΝ ΑΓΙΑΣ ΟΙΚΟΓΕΝΕΙΑΣ ΤΟΥ Μ. ΒΑΣΙΛΕΙΟΥ
Ποίημα Μοναχού Γερασίμου Μικραγιαννανίτου
Ήχος δ΄ Ταχύ Προκατάλαβε
Όκτάριθμον σύστημα των θεραπόντων Χριστού, Βασίλειον μέλψωμεν και Εμμελείαν ομού, τον Μέγαν Βασίλειον, Γρηγόριον συν τω Πέτρω και Ναυκράτιον θείον, Μακρίναν την Θεοφόρον, Θεοσέβειαν άμα, ως θεία γεννεά γαρ Χριστώ ευηρέστησαν.
ΜΕΓΑΛΥΝΑΡΙΟΝ ΑΓΙΑΣ ΟΙΚΟΓΕΝΕΙΑΣ
Οκτάριθμος δήμος θεοειδής, σύν δυσί τοκεύσι, οι εξάριθμοι αδελφοί, εκλάμπουσι κόσμω των αρετών τη αίγλη, αυτών τη φωταυγεία, δεύτε προσέλθωμεν.
Третью службу, шестиричную, составил в 2019 году сербский гимнограф Лазарь lazar_ljubic Любич. Текст на сербском языке выложен на сайте «Нови Србљак» (файл в формате PDF, 278 кБайт). Наконец, четвёртую, также шестиричную, службу на это празднование составил в 2020 году украинский гимнограф протоиерей Илия Тетерько (Одесская епархия Украинской Православной Церкви). Её я предлагаю читателям «Уставных заметок». Текст публикуется по авторской машинописи, цензурными инстанциями не рассматривался. При подготовке к выкладке в тексте исправлены замеченные опечатки.

В Неделю по Богоявлении
СЛУЖБА
святой и благочестивой семье святителя Василия Великаго:
пресвитеру Василию Старшему, преподобной Емилии, святителю Григорию Нисскому, святителю Петру Севастийскому, преподобному Навкратию, преподобной Макрине, блаженной Феосевии (Феозве) диаконисе, исповеднице Макрине Старшей
НА ВЕЧЕРНИ
На Г
осподи, воззвах: стихиры, глас 1:
Супруг всечестных Василия и Емилию воспоим любовию, / и чада их восхвалим всекрасныя и святыя: / Великаго и славнаго Василия, / Григория и Петра, святителей премудрых, / Макрину и Феозву, добродетельми украшенных, / Навкратия Богоблаженнаго,/ с ними ублажим Макрину исповедницу Христову, / чудотворца Григория чадо духовное, / и к ним, припадающе, возопиим сердечне: / не оставите нас заступничеством вашим, святии, / да вашими молитвами дарует нам Господь // просвещение и велию милость.
Свыше бо Небеса ныне радуются и земля веселится, / верных людей же сердца играют, / прославляюще собор семьи благочестивыя, / спасения пути являющии в разных образех. / Сего ради к ним любовию возопиим: / испросите молитвами вашими, Богоблаженнии, / душам нашим спасение и телам здравие даровати // и велию милость.
Вострубим трубою песней / и гласом радостнаго веселия святую чету воспоим: / Василия, пресвитера благочестиваго, / и Емилию достоблаженную, лозу честную, / сии бо породиша рождие винограда спасеннаго, / Василия, Григория и Петра священных, / Макрину и Феозву Богомудрыя, / Навкратия преподобнаго, Ангелов радование; / от нихже источается нам веселие душевное,/ ихже молитвами, Христе Боже,// спаси души наша, яко Милосерд.
Слава, и ныне, праздника, глас 8:
Господи, исполнити хотя, / яже уставил еси от века, / от всякаго творения служители тайны Твоея приял еси: / от Ангелов — Гавриила, от людей — Деву, / от Небес — звезду и от вод — Иордан, / в нем же беззаконие мирское потребил еси. // Спасе наш, слава Тебе.
На стиховне стихиры воскресны.
Слава, святым, глас 4:
Домашнюю церковь восхвалим, вернии, / Христа Спасителя воспевающе, / Василия и Емилию достоблаженных, / со чадами их священными: / сии бо во своем чину Богу угодиша, / Церковь добродетельми украсили есте,/ и Спасу молятся очищение и оставление грехов даровати // верою совершающим память их.
И ныне, праздника, глас тойже:
Тебе, в Дусе Святом и огни очищающаго грех мира, / зря Креститель грядуща к себе, / ужасаяся и трепеща, вопияше, глаголя: / не смею держати верх Твой пречистый, / Ты мя освяти, Владыко, // Божественным явлением Твоим, Едине Человеколюбче.
Тропарь, глас 4:
Служителей Христовых, / пресвитера Василия и Емилию воспеваем супруг честных, / с ними же Великаго Василия, Григория с Петром и Навкратием Божественным, / Макрину Богоносную и Феозву чудную, // яко Божественный род Христу угодивших.
НА УТРЕНИ
Канон святым, глас 2.
Песнь 1.
Ирмос: Г
рядите, людие:
Древа жизни наслаждающеся и райское воистинну веселие восприимше, всемудрии, / вас восхваляющия молите Человеколюбца спасти от всяких зол.
В пути заповедей Твоих шествуя тепле, Владыко Христе, / Твои раби обители достигоша, / сугубым желанием жизни вечныя наслаждаяся.
Богородичен: Светлыми лучами Твоего Сына, Богородице, / просвети омраченную мою душу, / страстей смущение отжени, Твоими, Чистая, ходатайствы.
Песнь 3.
Ирмос: Н
а камени мя веры:
Воспоем супруг всечестных, Василия и Емилию, / от нихже возсияша Церкви чада благодатная: / Великий и славный Василий, / Григорий, Петр и Навкратий всечуднии, / Макрина и Феозва блаженныя, / добродетелям нас научающии.
Законами питаяся Владыки и в добродетелех возрастая, / поучала еси твоя дети заповедем Господним, Емилие всечудная, зовущи: / несть свят, якоже Бог наш, // и несть праведен паче Тебе, Господи.
Богородичен: Яко Бога заченши, Содетеля же, и Зиждителя, и Господа, / роди Тя вси человечестии, Чистая, ублажают, / и Безтелесных разумная чиноначалия яко Матерь Божию Тя славят.
Седален, глас 1:
Праведных возсия Божественная память / и земныя озари вся концы светло: / Емилия радуется ныне о чадех своих / и Василий с веселием зовет: // Ты еси верных Твоих, Христе, похвала и радование.
Слава, и ныне, праздника,глас тойже:
Иисусу рождшуся от Девы Марии и во Иордане крещшуся от Иоанна, / Дух сниде на Него, зримый в виде голубине. / Сего ради пророк со Ангелы глаголаше, зовый: / слава пришествию Твоему, Христе, / слава Царствию Твоему, // слава смотрению Твоему, Едине Человеколюбче.
Песнь 4.
Ирмос: П
ришел еси от Девы:
Великия милости сподобистеся от Бога добронравным житием вашим, блаженнии, / темже и нам испросите богоприятными вашими молитвами / оставление грехов, милости Божия и Царства Небеснаго.
Радости исполняются днесь верных собори, / имуще вас, Василие и Емилие всеблаженнии, / теплыя молитвенники и христианом усердныя заступники.
Богородичен: Невесту Тя безневестну и чисто, Чистая, селение Иисусово, / святейшую Херувим вемы, Богородице.
Песнь 5.
Ирмос: С
вета подателю:
Днесь память ваша, блаженнии, созывает люди на духовную трапезу. / Темже сподобите и нас достойно сию вкусити, / и пищи райския во обителех Отца Небеснаго вкупе с вами наслаждатися.
Непостижимый свет почив в тебе, преподобне, / пресветлу свещу миру тя показа Христос, / темже память твою поем, великий иерарше Василие.
Облистав от востока, яко звезда многосветлая, Церковь просвещаеши, отче Григорие, / проповедая всеблагочестномудрыми словесы Христа, правды Солнца, Тому взывая: / разве бо Тебе, иного бога не знаем.
Богородичен: Дреманием уныния мя сон греховный постиже, Марие Богородице, / бодренною молитвою Твоею возстави мя к покаянию.
Песнь 6.
Ирмос: В
бездне:
Проходя добродетелей предел, отче Петре, / и восхождения в сердцы твоем полагая, / от земли взялся еси ты непрестанным течением к Небесному жительству / прежде от плоти изшествия твоего.
Царства Божия возжелел еси и, над страстьми царствовав, / в пустыню вселился еси, Навкратие милостиве и чудне, / по благоволению лучшему радость праведных получил еси.
Макрино Богомудрая, девства похвало, / тепле соблюла еси невредно воздержанием твое житие, / плоть духу покоривши, преподобная.
Венцем дарований Христос венча тя, / яко диаконису всечестную и трудолюбную / и лику девственному наставницу, / и в чертозех Небесных, Феозво Богоблаженная, всели тя.
Богородичен: Милости Твоея, Богородице, сподоби мя, премилостиваго Спаса рождшая, / Своею Кровию от смерти вечныя человеки избавльшаго.
Кондак, глас 4:
Явился еси днесь вселенней, / и свет Твой, Господи, знаменася на нас, / в разуме поющих Тя: / пришел еси и явился еси, // Свет Неприступный.
Икос:
Галилеи язычестей, Завулонстей стране и Неффалимстей земли, / якоже рече пророк, Свет велий возсия, Христос. / Омраченным светла явися Заря, из Вифлеема облистающая, / паче же из Марии Господь, всей вселенней возсиявает лучи Солнце правды. / Темже, иже от Адама назии, приидите вси, облечемся в Него, да согреемся, / покрывает бо нагия и просвещает темныя. / Пришел еси и явился еси, // Свет Неприступный.
Песнь 7.
Ирмос: Б
огопротивное веление:
Макрино старейшая и благочестивая, / исповедница и страдалица за имя Христово всеславная, / с мужем твоим, твердым мучеником / и с отцем твоим духовным и чудотворцем Григорием, моли о всех нас.
Христовою окормляеми дланию благочестно, / ко пристанищу тихому Вышния светлости устремилися есте, Богоблажении, вопиюще: / воплотивыйся нас ради человеков, Иисус Господь, / Сый благословен и препрославлен.
Богородичен: Гавриилово благовестие услышавши, Марие Чистая, / прияла еси благоволение Отчее и Духа нашествие, / и родила еси Христа — Слово воплощенное, радуяся и вопиющи: / Иисусе, Сыне Прелюбезный, Сый благословен и препрославлен.
Песнь 8.
Ирмос: П
ещь иногда:
Воспоим, вернии, всечестную двоицу, Василия и Емилию Богоблаженных, / от них бо возсия нам украшения Церкве Православныя и верных утверждение, / с нимиже едиными усты воспоем Владыце: / благословите, вся дела Господня, Господа.
Не токмо Капподокия хвалится, / но и вся Церковь земная и Небесная ликовствует, / украсившеся дивными именами вашими, святии, / и подвигает восклицати Троице Нераздельней радостно: / благословите, вся дела Господня, Господа.
Богородичен: Слово Отца Небеснаго Единосущное, / Адамово избавление от кровей Твоих девственных воплотися, Дево Марие Чистая, / Емуже благодарственне зовем: / благословите, вся дела Господня, Господа.
Песнь 9.
Ирмос: Б
езначальна Родителя Сын:
Како ублажим вас, всечестнии! / Како прославим благое единодушие ваше! / Аще и земнии бысте, но Небесных достигосте, Богоблаженнии, / идеже Святей Троице предстоите и молите спастися любовию вас почитающим.
Целомудренно поживше и благочестно, святии, / ныне сладости несказанныя сподобистеся, / совершающим усердно прехвальную и славную память вашу, / спастися молитеся.
Богородичен: Глас Тебе ангелов, Пречистая, вопием: / радуйся, спасение всех человеков / и славных мучеников Божественное венчание.
Светилен:
Предстояще ныне Трисиянному Великому Свету / и пребывающе в неизреченней светлости со всеми святыми, / помяните всех нас, святии, / память вашу светоносно совершающих.
На хвалитех стихиры воскресны.
Слава, святым, глас 1:
Василий всемудрый, священства правило, / с честною Емилиею песньми достойно да почтится, / с нимиже облистает чад их собор святый. / Ихже светлое торжество совершающе любовию, // поем песньми Божественными.
И ныне, праздника, глас 2:
Днесь Христос на Иордан прииде креститися, / днесь Иоанн касается верху Владычню: / Силы Небесныя ужасошася, / преславное видяще таинство, / море виде и побеже, / Иордан, видев, возвратися. / Мы же, просвещшеся, вопием: // слава явившемуся Богу, и на земли виденному, и просветившему мир.
Tags: Минея Дополнительная, богослужебные тексты, родословие святых, служба, соборная память, январь
Subscribe

  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 0 comments