Уставщик (ustavschik) wrote,
Уставщик
ustavschik

Category:

Акафист преподобному Никифору Прокаженному

С разрешения автора (пожелавшего остаться неназванным) выкладываю в «Уставные заметки» текст новосоставленного акафиста преподобному Никифору Прокаженному, иноку Хиосскому († 22 декабря 1963 / 4 января 1964). Преподобному Никифору, бóльшую часть жизни страдавшему от тяжёлого инфекционного заболевания, принято молиться о помощи Божией во время распространения инфекций. В предлагаемом акафисте собственной молитвы нет, поэтому после текста акафиста предлагаю читателям «Заметок» текст молитвы преподобному Никифору, составленной в Православной Церкви Чешских Земель и Словакии (на словацком языке).

Акафист преподобному Никифору Прокаженному
Кондак 1
Избраннику Божию пречудному Никифору воспеваем днесь похвальная и молитвы приносим всеумиленныя, ты же, отче досточудне, от всяких болезней и скорбей избави ны, во умилении всеусердно зовущих: Радуйся, преподобне Никифоре, молитвами твоими от страстей и недугов нас избавляющий.
Икос 1
Ангелов Творец яви тя вселенней всей яко предстателя и молитвенника, имущего благодать недуги отгоняти и всякия болезни целити, сего ради воспеваем ти похвальная сия:
Радуйся, ангелом сомолитвенниче;
радуйся, собору святых сопричастниче.
Радуйся, скорбь неисцельныя болезни мужественне претерпевый;
радуйся, безропотно крест страдания многоскорбный восприявый.
Радуйся, всякую скорбь во уметы Христа ради вменивый;
радуйся, терпением твоим злокозненнаго врага посрамивый.
Радуйся, яко молитвами твоими исцеления нам подаются;
радуйся, яко предстательством твоим благодать изливается.
Радуйся, преподобне Никифоре, молитвами твоими от страстей и недугов нас избавляющий.
Кондак 2
Видя Всеблагий Господь чистоту сердца твоего, отче преподобне, яко заступника и молитвенника о нас, прослави тя, да избегше всякаго искушения предстательством твоим, возможем купно со всеми святыми славити Бога: Аллилуия.
Икос 2
Разум имуще Богопросвещен, не от человек научен был еси премудрости, но Духом Всебожественным, Иже настави тя на всякую правду и проведе тя тесным путем ко вратом Небесным, идеже ныне молитвы наши приемлеши сицевая:
Радуйся, от юности во благочестии воспитанный;
радуйся, на путь доброделания измлада наставленный.
Радуйся, родителей благочестивых отрасль пречестная;
радуйся, земли Критския розго богоизбранная.
Радуйся, от юности горесть болезни телесныя вкусивый;
радуйся, во скорбех сладость молитвы обретый.
Радуйся, Промысл Божий о себе безропотно приявый;
радуйся, смирением и упованием на Бога всечудно просиявый.
Радуйся, преподобне Никифоре, молитвами твоими от страстей и недугов нас избавляющий.
Кондак 3
Сила Вышняго явлена бысть в немощи твоей, преподобне отче наш Никифоре, яко сам многонедужен сый, молитвами твоими от недугов свобождение нам подаеши и научаеши непрестанно взывати Богу: Аллилуиа.
Икос 3
Имуще щит веры непреоборим, всякия угасил еси стрелы вражия, искушение уныния и ропота преоборол еси, со апостолом восклицающе: вся могу о укрепляющем мя Иисусе! Темже укрепи нас, многонемощных, и от искушений лукавых свободи всех, воспевающих тя сице:
Радуйся, волю Господню о себе всецело исполнивый;
радуйся, венец мученичества бескровнаго приявый.
Радуйся, Путем Господним присно ходивый;
радуйся, многих от путей погибельных отвративый.
Радуйся, от печали временныя в радость вечную восшедый;
радуйся, вожделеннаго Небеснаго Отечества достигнувый.
Радуйся, Светом Невечерним озаренный;
радуйся, Славою Божией просвещенный.
Радуйся, преподобне Никифоре, молитвами твоими от страстей и недугов нас избавляющий.
Кондак 4
Бурю искушений всезлых врага древняго утишил еси, отче, и потопил еси, яко египтяны, помыслы уныния и отчаяния в море слез твоих, егда в молитве непрестанно взывал еси Господу: Аллилуиа.
Икос 4
Слышавше в сердце своем призыв Христов, притекл еси к преподобному Анфиму, от него же и приял еси пострижение во образ ангельский, да причтен явишися лику преподобных отцев, с нимиже тя воспевающе, усердно взываем:
Радуйся, вся красная мира сего во уметы вменивый;
радуйся, путь тесный жития монашескаго избравый.
Радуйся, плотския страсти поправый;
радуйся, добродетельми душу свою украсивый.
Радуйся, всякую суету и страстей течение отринувый;
радуйся, чистоту и богомыслие паче всяческих возлюбивый.
Радуйся, иноческаго жития ревнителю;
радуйся, отцев древних подражателю.
Радуйся, преподобне Никифоре, молитвами твоими от страстей и недугов нас избавляющий.
Кондак 5
Боготечная звезда явился еси всем во обители Хиосстей сущим и недугами горькими одержимым, отче преподобне, образ сим являя долготерпения, смирения и всеблагаго на волю Божию упования. Темже молим тя, и наша души, скорбьми обремененнныя и страстьми телесными и дущевными одержимыя, просвети светом добродетелей, да всерадостно воспоим Богу: Аллилуиа
Икос 5
Ведяще души твоея доброту и житие твое непорочное, преподобный Анфим призва тя на подвиг певческий, да сердцем и усты приносяще Богу славословие и моление, ходатай явишися о людех православных, иже тя словесы сими ублажают:
Радуйся, благодатию Господнею осененный;
радуйся, Божиих дарований исполненный.
Радуйся, свеще, молитвой пламенеющая;
радуйся, кадильнице, добродетельми благоухающая.
Радуйся, кимвале краснозвучный, милости Божия нам возвещающий;
радуйся, кампане златокованый, к молитве и песнопению нас созывающий.
Радуйся, Господеви песнь всерадостно приносивый;
радуйся, Всемилостивую Богородицу в молитве прославивый.
Радуйся, преподобне Никифоре, молитвами твоими от страстей и недугов нас избавляющий.
Кондак 6
Проповедник неустанный милостей Божиих явился еси, отче преподобне Никифоре, в бренном и многоболезненном телеси своем язвы Господа Иисуса носяще и являюще всем, яко в немощи твоей сила Божия совершается, в подвиге тя укрепляющая и подающая силы непрестанно взывати: Аллилуиа.
Икос 6
Возсиял еси людем православным яка лампада всесветлая, освещающая путь жития земнаго и отгоняющая от душ наших мрак отчаяния и уныния, яже изжени молитвами твоими, да возможем Господа нелестно славословити и тя, отче преблаженне, воспевати неленностно:
Радуйся, огнем Божественным всеразженный;
радуйся, светом Истины осиянный.
Радуйся, росо, еюже огнь искушения и соблазнов угашается.
Радуйся, море, имже зловерие потопляется.
Радуйся, уныния стрелы всеразженныя молитвами твоими отражающий;
радуйся, всезлобное коварство врага древняго разрушающий.
Радуйся, яко тобою всякое отчаяние далече отгоняется;
радуйся, яко предстательством твоим радость небесная верным подается.
Радуйся, преподобне Никифоре, молитвами твоими от страстей и недугов нас избавляющий.
Кондак 7
Хотяще явити тя всей вселенней яко предстателя теплейшаго и молитвенника о людех православных всеусерднаго, Всеблагий Господь управи исхождение твое от лепрозория хиосскаго в лечебницу близ Афин, да и тамо сущим людем образ явишися терпения в болезнех и научиши всех скорбящих на Господа уповати и непрестанно взывати: Аллилуиа.
Икос 7
Новаго Иова многострадальнаго зрим тя, отче преподобне, не похулил бо еси в болезни твоей Господа и не отверзл еси уста твоя, во еже поучатися тщетным, но посреде скорбей, якоже оный на гноищи, непрестанно взывал еси: буди Имя Господне благословенно. Темже и мы, тепение твое похваляюще, взываем сице:
Радуйся, терпения столпе непоколебимый.
Радуйся, смирения и послушания адаманте всекрепкий.
Радуйся, лишением зрения умныя очи души своея просветивый;
радуйся, язвами телесе своего диавола уязвивый.
Радуйся, в ризу смирения себе одеявый;
радуйся, порфирою добродетелей душу свою украсивый.
Радуйся, немощь естества своего Силою Божиею превозмогающий;
радуйся, образ терпения посреде болезней нам являющий.
Радуйся, преподобне Никифоре, молитвами твоими от страстей и недугов нас избавляющий.
Кондак 8
Странствие жития земнаго богоугодне совершив, подвигом добрым подвизался еси, веру соблюл еси, страдания и скорби Христа ради претерпел, темже, венец мученичества бескровного приявше, во обителех Небесных водворился еси, идеже не престаеши воспевати Господеви: Аллилуия.
Икос 8
Всем воистину помощник являешися, притекающим к твоему пречудному заступлению, преподобне отче Никифоре, коегождо моление скоро слышаще и исполнение прошения на пользу подающе. Темже и наших молитв не отвратися, но милостию твоею заступи всех, вопиющих ти таковая:
Радуйся, любящим тя скорое вспоможение.
Радуйся, немощных благое заступление.
Радуйся, непрестанно о всех молитвы приносящий;
радуйся, о память твою совершающих присно ходатайствующий.
Радуйся, яко тобою от напастей избавляемся;
радуйся, яко тобою благодати сподобляемся.
Радуйся, яко предстательством твоим жизнь вечная обретается;
радуйся, яко молитвами твоими вера истинная познавается.
Радуйся, преподобне Никифоре, молитвами твоими от страстей и недугов нас избавляющий.
Кондак 9
Всякия избави нас напасти и болезни наша исцели, отче наш богомудре Никифоре, ты бо присно предстоиши Престолу Божию и молишися о всех нас, память твою светло совершающих и тя в помощь и заступление призывающих, непрестанно Богу взывающе: Аллилуиа.
Икос 9
Витии многовещаннии по долгу не возмогут воспети чудеса твоя, отче треблаженне, в годину бо лютаго поветрия морового являешися людем православным и от гибели напрасныя избавляеши, исцеление всем подаеши и молитвами твоими заступаеши всех, похвалы сицевыми тя прославляющих:
Радуйся, чудес источниче неистощимый.
Радуйся, исцелений кладезе неисчерпаемый;
радуйся, целителю и заступниче наш пречудный;
радуйся, о людех православных молитвенниче предивный.
Радуйся, стено, верных ограждающая;
радуйся, звездо, путь ко Христу показующая.
Радуйся, сосуде, благодатию преисполненный;
радуйся, ковчеже, дарами духа всеукрашенный.
Радуйся, преподобне Никифоре, молитвами твоими от страстей и недугов нас избавляющий.
Кондак 10
Спасение испроси всем и грехов разрешение, отче всеблаженне, таже болезней исцеление и скорбей ослабу подаждь нам, Никифоре преподобне, память твою верою совершающим и о тебе пение Богу благодарственное приносящим: Аллилуиа.
Икос 10
Стеною многомощнаго предстательства твоего огради нас от всякаго зла и болезни душевныя и телесныя избави люди православныя, иже песнь приносят ти сицевую:
Радуйся, любящим тя скорое вспоможение.
Радуйся, немощных благое заступление.
Радуйся, молитвою твоею нас укрепляющий;
радуйся, предстательством твоим от бед нас избавляющий.
Радуйся, любовию своею всех нас обымающий;
радуйся, никого же скорбящим оставляющий;
радуйся, огнем благодати сердца верных воспламеняющий;
радуйся, пламень злобы адския тайнодейственно угашающий.
Радуйся, преподобне Никифоре, молитвами твоими от страстей и недугов нас избавляющий.
Кондак 11
Пение твое приявый Господь Вседержитель, ныне приемлет и моления твоя, яже приносиши о всех, в болезнех, напастех и обстояниих сущих, отче всеблаженне Никифоре. Темже, на помощь и заступление твое уповающе, с верою и благоговением Богу молитвы приносим, вопиюще: Аллилуиа.
Икос 11
Светозарное Правды Солнце, Христос Бог наш, сущим во тьме греховней дивное светило великое яви тя, отче всеблаженне, светом благодати Божия сияющее и путь доброделания всем освещающее, сего ради молимся: исцели ны от всякия болезни душевныя и телесныя, да сподобимся пети ти:
Радуйся, Светом Невечерним озаренный;
радуйся, Славою Божией просвещенный.
Радуйся, скорбныя мглы отгонителю;
радуйся, болезней и напастей потребителю.
Радуйся, радуйся всякия правды исполненный;
радуйся, добродетельми светло преукрашенный.
Радуйся, яко предстательством твоим мир с Богом обретаем;
радуйся, яко путем твоим к Небеси восходим.
Радуйся, преподобне Никифоре, молитвами твоими от страстей и недугов нас избавляющий.
Кондак 12
Благодати Божией источник неоскудеваемый являешися всем верным преподобне отче Никифоре, являешися бо людем православным и токи исцелений изливаеши на всех, с верою к тебе прибегающих и тобою Господу молитву приносящих: Аллилуиа.
Икос 12
Поюще Бога, Дивнаго во святых Своих, похвалы всяческая приносим ти, преподобне отче Никифоре, молитвенниче о нас усердный и заступниче наш всечудный, и единым сердцем величаем тя, глаголюще:
Радуйся, скорби и болезни телесныя ни во что же вменивый.
Радуйся, терпением твоим узы диавольския сокрушивый.
Радуйся, путь к небеси нам присно указующий.
Радуйся, благословением твоим нас ныне осеняющий.
Радуйся, крепкое ограждение от находящих на ны искушений;
радуйся, нетрудное отгнание напастей и скорбей.
Радуйся, врачу благодатный, телесем нашым здравие подающий;
радуйся, душам нашым спасение исходатайствующий.
Радуйся, преподобне Никифоре, молитвами твоими от страстей и недугов нас избавляющий.
Кондак 13
О предивный угодниче Христов, преподобне отче наш Никифоре, приими немощное пение сие, от любви нашея возсылаемое ти, и моли Господа и Владыку всяческих избавити нас душевреднаго прилога вражиего, да спасение вечное улучивше, песнь с тобою боголепно воспоим: Аллилуиа.
Этот кондак читается три раза, а затем икос 1 и кондак 1.

Modlitba k svätému Nikiforovi Malomocnému, Divotvorcovi
(текст взят отсюда)
Ó, predivný otče, chvála pravoslávnych kresťanov, svätý Nikifor, veľký zástanca pred Hospodinom! S úctou sa skláňam pred tvojou vôľou a duševnou silou, ktorými si z Božej milosti prekonal toľko ťažkých trápení a utrpení a nezradil si Božiu vôľu, a s pokorou prosím: zastaň sa nás hriešnych pred Najvyšším, aby na tvoj príhovor upevnil svätú Pravoslavnú Cirkev a všetky Božie deti ochránil pred chorobami a nákazami.
Obdivuhodný otec Nikifor, ty vieš najlepšie, čo je utrpenie. No my, slabí ľudia, často padáme pod ťarchou svojho kríža. S pokorou ťa teda prosím, veľký zástanca pred Hospodinom, prihováraj sa za mňa a mojich blízkych (mená) pred Bohom, našim Pánom, a pros Ho, aby nás zbavil od tejto epidémie, každej choroby a duševného utrpenia.
Obdivuhodný otec Nikifor, veľký zástanca pred Hospodinom, pros Ho, aby nám všetkým dal svoje požehnanie, aby neprišli rany na sejby, ovocné stromy a zvieratá, aby bol dostatok dažďa a aby úroda bola hojná. Nech sa na tvoj mocný príhovor aj v nás a v našej zemi oslaví meno Trojjediného Boha, Otca i Syna i Svätého Ducha, teraz i vždycky, a na veky vekov. Amen.
Tags: акафисты, богослужебные тексты, декабрь, молитва
Subscribe

  • Молитва преподобному Максиму Греку

    Текст молитвы преподобному Максиму Греку утверждён к общецерковному богослужебному употреблению решением Священного Синода от 17 июня 2021 года…

  • 22 мая (4 июня) — память…

    …прав. Мелхиседека первосвященника, Царя Салимского († ок. 2000 до Р. Х.), святых 150-ти Отцев II Вселенского Собора (381), преп. Калии девы, свщисп.…

  • 18 (31) мая — память…

    …мучч. Ираклия, Дионисия и Христины девы, Афинских, Петра Лампсакийского, Андрея и Павла Месопотамских, Венедима и Павлина Вифинских († ок. 249 –…

  • Post a new comment

    Error

    Anonymous comments are disabled in this journal

    default userpic

    Your IP address will be recorded 

  • 0 comments