?

Log in

No account? Create an account

14 (27) января — память…

« previous entry | next entry »
фев. 3, 2009 | 12:22 am

…свят. Мелетия (Якимова), еп. Рязанского и Зарайского (†1900), прпмчч. Сергия (Гуськова), Иова (Протопопова), Иосифа (Гаврилова), Варлаама (Похилюка) и Антония (Чиркова) священноиноков и Петра (Тупицына) послушника, в Раифе избиенных, Казанских (†1930)
Богослужебные тексты:
Тропарь и кондак святителю Мелетию, употребляемые в Якутской епархии
Тропарь, глас 4:
Ц
еркви Христовой светильниче, / земли Якутской и Рязанской украшение, / правило веры и образ милосердия людям был еси, / бдением же, постом, молитвою и трудами благовестническими просиял еси / и прославлен от Бога явился еси. / Святителю Мелетие, / моли Христа Бога спастися душам нашим.
Кондак, глас тойже:
Д
ух мирен и кроток стяжав, / твердое упование на милосердие Божие имея, / служитель верный Церкви Христовой / и проповедник веры во языцех явился еси, / святителю Мелетие, / присный о нас пред Богом предстателю / и молитвенниче о душах наших.
Иные тропарь и кондак святителю Мелетию, употребляемые в Рязанской епархии
Тропарь, глас 5:
Ц
еркве Христовы Светильниче, / земли Рязанстей и Сибирстей украшение, / Святителю Мелетие, / Владыце всех молися, / мир вселенней даровати / и душам нашим велию милость.
Кондак, глас 3:
Д
несь Собор Рязанских и Сибирских Святых предстоит в Церкви, / и невидимо за ны молится Богу. / Днесь Церковь небесная и земная ликовствует, / Ангели и Святии радуются, / купно паства с ними веселится, / прославляя обретение мощей Святителя Мелетия, / нас бо ради молят вси Превечнаго Бога.
Акафист святителю Мелетию пока не оцифрован.
Тропарь, кондак и молитва Раифским преподобномученикам
Тропарь, глас 4:
П
равославия неложнии ревнители и зловредных ересей обличители, / пустыни Раифския новомученицы святии, / пред богоборцы Христа исповедали есте. / Пред Престолом Божиим с преподобными отцами ныне предстоя, / молите Христа Бога спастися душам нашим.
Кондак, глас 4
Г
орняго ради премирнаго жития, / дольняя отвергли и в пустынь вселилися есте, / святии Раифския преподобномученицы, / небесных покровителей своея обители сопричастницы. / Православия нелицимернаго держалися есте, / ереси лукавыя и расколы обличив: / сего ради сподоби вас Господь / в Благовещения день венцев нетленных.
Молитва
О
всехвальнии священнии и добропобеднии мученицы Христовы: Иосифе, Сергие, Антоние, Варлааме, Иове и мучениче Петре, преподобных отцев Синайских и Раифских страстотерпческаго подвига достойные наследницы! Исповеданием Христа дерзновенным и честными страданьми вашими земля Казанская славится и Христова вера утверждается, вы бо обличили есте злобу мира и лукавство ересей, не восхотев покорити себе нечестию: сего ради, яко агнцы, собралися есте на заклание, кротостию и мужеством посрамив безбожников в славный праздник небесных ваших покровителей. Ныне же смиренно молим вас: не отрините нас от своего покрова и заступления, с верою и надеждою притекающих к вам, оградите нас от душепагубных страстей, воюющих на дух, укрепите ны во бранех, воздвигаемых на ны от враг видимых и невидимых, сохраните святую обитель вашу, град сей и православных людей, уповающих на вы, от всякаго злаго обстояния. Вемы, яко много может молитва ваша пред лицем Господа Бога нашего Иисуса Христа и яко недостойны есмы милости Божия, обаче страданий ради ваших Господь Вседержитель да ущедрит и помилует всех нас, в помощь вас призывающих. Аминь.
Акафист Раифским новопреподобномученикам (на сайте «Православие в Татарстане»)

Ссылка | Оставить комментарий |

Comments {0}